Description
ຊື່ເພງ: ຮ້ອງໄຫ້
ພໍ່ເບິ່ງນ້ຳຕາ… ທີ່ໄຫຼຈາກຕາລູກ
ຫົວໃຈພໍ່ແທບແຕກ… ແຕ່ພໍ່ເຮັດຫຍັງບໍ່ໄດ້
ຢາກກອດເຈົ້າໄວ້… ຢາກຮັບຄວາມເຈັບແທນ
ແຕ່ເຮັດໄດ້ພຽງ… ຢືນເບິ່ງເຈົ້າຮ້ອງໄຫ້
ເຈົ້າເປັນພຽງລູກນ້ອຍ
ເຫດໃດຕ້ອງເຈັບປວດປານນີ້
ມືນ້ອຍໆ ກຳມືພໍ່ໄວ້
ສາຍຕາຄູ່ນັ້ນ ຊ່າງເຈັບຫົວໃຈ
ພໍ່ຢາກເປັນຄົນທີ່ແຂງແຮງ
ຢາກເປັນກຳແພງປົກປ້ອງເຈົ້າ
ແຕ່ມືຂອງພໍ່ມັນຊ່າງວ່າງເປົ່າ
ກອດເຈົ້າໄວ້ ກໍຊ່ວຍບໍ່ໄດ້
ຢາກຮ້ອງຕະໂກນໃຫ້ຟ້າໄດ້ຍິນ
ເປັນຫຍັງຕ້ອງເປັນລູກຂອງພໍ່
ຖ້າຄວາມເຈັບນັ້ນເລືອກຄົນໄດ້
ເອົາມາລົງທີ່ພໍ່… ຢ່າລົງທີ່ລູກ!
ຮ້ອງໄຫ້… ພໍ່ກໍຮ້ອງໄຫ້
ເຈັບຈົນຫົວໃຈແທບຂາດ
ເຈົ້າເຈັບທາງກາຍ ພໍ່ເຈັບທັງຫົວໃຈ
ຢາກເຈັບແທນເຈົ້າ… ແຕ່ຟ້າບໍ່ຍອມ
ຮ້ອງໄຫ້… ພໍ່ເກືອບທົນບໍ່ໄຫວ
ໂກດໂຊກຊະຕາ ທີ່ພໍ່ປ່ຽນບໍ່ໄດ້
ພໍ່ຄວນປົກປ້ອງເຈົ້າໄດ້ບໍ່ແມ່ນບໍ?
ເປັນຫຍັງພໍ່… ຊ່ວຍລູກບໍ່ໄດ້!
ເຫັນເຈົ້າກັດແຂ້ວອົດທົນ
ພໍ່ຢາກຮ້ອງໄຫ້ແທນເຈົ້າ
ຢາກບອກວ່າພໍ່ຈະບໍ່ໃຫ້ເຈັບ
ແຕ່ຄຳສັນຍາ… ພໍ່ກໍເຮັດບໍ່ໄດ້
ພໍ່ເປັນຫຍັງຈຶ່ງອ່ອນແອ
ທັງທີ່ຢາກແຂງແຮງເພື່ອເຈົ້າ
ຢາກຕີກຳແພງໃຫ້ແຕກສະຫຼາຍ
ແຕ່ສຸດທ້າຍ… ພໍ່ຕີໄດ້ແຕ່ອົກຕົນເອງ
ລູກເອີຍ… ໄດ້ຍິນພໍ່ບໍ?
ພໍ່ຢູ່ນີ້… ພໍ່ຍັງຢູ່ນີ້
ຖ້າເຈັບກໍຮ້ອງອອກມາ
ຢ່າຝືນຍິ້ມ… ເພື່ອໃຫ້ພໍ່ສະບາຍໃຈ
ແຕ່ລູກເອີຍ… ພໍ່ຂໍໂທດ
ທີ່ເປັນພໍ່… ແຕ່ຊ່ວຍລູກບໍ່ໄດ້
ລູກເອີຍ…
ພໍ່ຢູ່ນີ້…
ພໍ່ຢູ່ນີ້…
ຢ່າເຈັບອີກເລີຍ… ລູກພໍ່..
Reviews
There are no reviews yet.